Orquestra universitaria
A Orquestra da UVigo é un proxecto da Vicerreitoría de Extensión Universitaria que nace coa ilusión de construír, entre toda a comunidade universitaria, un espazo artístico participativo, integrador e enriquecedor, co fin de compartir a paixón pola música, medrar colectivamente e espallar a arte orquestral.
A orquestra está dirixida por Raquel Carrera Álvarez, profesora de violín e de orquestra no Conservatorio Profesional de Música de Ourense desde 2008, e cunha ampla experiencia como instrumentista en diferentes orquestras durante máis de 30 anos. En canto á súa formación, realizou diversos cursos de perfeccionamento, posúe un Mestrado en dirección de orquestra e na actualidade está a cursar o Grao Superior en Dirección.
Os ensaios desenvolveranse os xoves, de 19.00 a 21.00 horas, no edificio Redeiras. Estes poderán axustarse de xurdiren necesidades puntuais (concertos, ensaios extraordinarios etc.).
Na seguinte ligazón atoparedes toda a información actualizada sobre o proxecto: calendario de ensaios, horarios, repertorio, documentos organizativos, normas internas, membros da orquestra e calquera outra novidade relacionada coa actividade musical.
Concertos de presentación
En Ourense, o 12 de xuño
Mar Blanco Moreno, solista
María del Mar Blanco Moreno, natural de Madrid, formouse nos conservatorios superiores de música de Salamanca (piano) e de Castela e León (clave). Licenciouse en Historia e Ciencias da Música na Universidad de Salamanca e conta cun Mestrado en investigación musical pola Universidad Internacional de Valencia. Ampliou a súa formación con recoñecidos mestres internacionais. Actualmente é profesora de órgano no Conservatorio de Ourense e convidada como solista en festivais nacionais e internacionais.
Raquel Carrera Álvarez, directora
Profesora de violín e de orquestra no Conservatorio Profesional de Música de Ourense desde 2008, conta cunha ampla experiencia como instrumentista en diferentes orquestras durante máis de 30 anos. En canto á súa formación, realizou diversos cursos de perfeccionamento, posúe un Mestrado en dirección de orquestra e na actualidade está a cursar o Grao Superior en Dirección.
Máis información:
Servizo de Extensión Universitaria
Edificio Miralles
As Lagoas, Marcosende
36310 Vigo
+34 986 813 626
extension@uvigo.gal