Podcast Unidiversidade

Presentámosche Unidiversidade, un espazo para falar, sentir e compartir a diversidade. Un podcast da Unidade de Diversidade coa colaboración da Vicerreitoría de Comunicación e Relacións Institucionais e da Facultade de Comunicación.

• Episodio 1
  
  Neste primeiro episodio conducido por Concha Gómez, profesora de Comunicación Audiovisual da UVigo e Marta Quintana, estudante do mesmo título, mergullarémonos no corazón do Día do Orgullo. As voces protagonistas deste episodio son: Carla Míguez, titulada en Tradución e Interpretación e bolseira predoutoral; Carlos Valcárcel, docente da Facultade de Ciencias da Educación e do Deporte do campus de Pontevedra; e Antía Pousa, responsable da Cooperativa Xeracción.
   
• Episodio 2
  
  O segundo episodio titúlase Ser LGTBIQA+ hoxe en Galiza e trata os avances, desafíos e esperanzas das persoas do colectivo no contexto actual. Conta coa participación de Soledad Torres Guijarro, PDI da Universidade de Vigo e presidenta da asociación Nós Mesmas; Eric Dopazo, escritor, músico e activista da asociación ARELAS; e Cástille Jorum, alumne do campus de Vigo, quen comparte a súa experiencia persoal e académica como persoa LGTBIQA+ entre Galiza e os Estados Unidos. A través destas tres voces, o podcast reflexiona sobre a realidade da diversidade afectivo-sexual e de xénero desde perspectivas complementarias: o activismo, a docencia universitaria e a vida estudantil.