Cultura en Pontevedra

Todo isto configura parte da ampla oferta cultural promovida no campus de Pontevedra, tanto para os integrantes da comunidade universitaria como para a cidadanía en xeral. Precisamente, na procura da proximidade cos cidadáns, a meirande parte destas actividades teñen lugar na Sala de Conferencias da Casa das Campás e na Sala X, a sala de exposicións situada na Facultade de Belas Artes.

Ademais de espectador, tamén podes ser protagonista desta ampla actividade cultural. Para iso podes promover a organización de actividades e eventos culturais ou fomar parte do coro do campus de Pontevedra. 

• Obradoiros 2019/2020
• Aulas de teatro e danza
• Sala X
• Cinema
• Coro universitario
• Premios e concursos culturais

I Premio «Múltiples olladas ao redor das Letras Galegas: Xela Arias 2021»

A Universidade de Vigo, a través da Vicerreitoría do Campus de Pontevedra, convoca a primeira edición do Premio «Múltiples olladas ao redor das Letras Galegas: Xela Arias 2021». Con motivo do Día das Letras Galegas, a vicerreitoría quere sumarse a esta efeméride coa organización dun premio que procura potenciar a creatividade e a innovación a partir da relectura e da interpretación da produción cultural da persoa homenaxeada. Neste ano 2021, esta celebración xira ao redor de Xela Arias (Sarria, 1962 – Vigo, 2003), escritora, tradutora, editora e docente, que, entre os seus sinais de identidade, situou o inconformismo creativo.

• Convocatoria 
  Prazo de solicitude ata o 21 de maio