Deporte en Pontevedra
Se che interesa é o deporte, no Pavillón Universitario do Campus de Pontevedra tes onde escoller.
Podes practicar o teu deporte favorito na Pista Polideportiva ou poñerte en forma na nosa Sala de Cardio e Musculación. O aluguer da Pista é gratuíto para a comunidade universitaria durante todo o horario de apertura da instalación. O acceso á Sala é moi doado para todos a través do Abono Muver. Ademais, os titulares deste Abono poden acudir de balde ás actividades dirixidas que tamén se levan a cabo no Pavillón: Pilates, Cross Training e Ciclo Indoor, sen coste adicional e previa reserva da praza.
Ademais, se queres unha consulta médica ou debes recuperarte dunha lesión, ofrecémoste os servizos de Medicina e Fisioterapia situados na Escola de Forestais do Campus universitario.
Máis información e inscricións a través da web campusactivo.uvigo.gal.
Para máis información, podes contactar con:
Área de Servizos á Comunidade do Campus de Pontevedra
asc-po@uvigo.es
+34 986 801 949