Sostibilidade e infraestruturas

O desenvolvemento sostible supón un valor fundamental para a Universidade de Vigo, como institución que procura avanzar no coñecemento humano desde o respecto e desde a protección da súa contorna. A Universidade de Vigo traballa acotío para mellorar o seu bo facer no eido da sostibilidade conservando as infraestruturas existentes, desenvolvendo novas instalacións e adecuando as actuacións dos espazos universitarios a criterios de sostibilidade medioambiental.