Tarxeta universitaria

Tarxeta universitaria intelixente (TUI)

O teu pasaporte como membro da comunidade UVigo para poder gozar de múltiples vantaxes!

No marco da Conferencia de Reitores das Universidades Españolas (Crue) e co apoio do Banco Santander,  a Universidade de Vigo pon en servizo unha plataforma multiservizo para a comunidade universitaria en forma de aplicación móbil.

Unha das funcións da aplicación é emitir a tarxeta universitaria intelixente virtual (TUI en App UVigo). Esta tarxeta acredítate como estudante, docente ou persoal de administración e servizos da Universidade de Vigo con outras funcionalidades de alto valor engadido para a comunidade universitaria:

• Préstamo de libros nas bibliotecas. 
• Acceso ás instalacións de uso restrinxido.

Como obter a TUI?

Para poder solicitar a tarxeta universitaria intelixente terás que cumprir un dos seguintes requisitos:

• Estar matriculado/a nunha titulación oficial da Universidade de Vigo (grao, mestrado oficial, programa de doutoramento etc.).  
• Estar matrículado/a nun título propio de 30 ou máis créditos, ou de duración igual ou superior a un curso académico completo.
• Ter un contrato laboral na Universidade de Vigo en vigor

Se cumpres algún dos requisitos anteriores, terás que seguir estes pasos:

• Comprobar que tes unha conta de usuario na secretaría virtual. Desde a secretaría poderás acceder á túa conta ou crear unha se aínda non a tes. Se non es quen de recuperar os teus datos de acceso, podes solicitar na secretaría de estudantes do teu centro a actualización do teu enderezo electrónico. 
• Comprobar a emisión da túa tarxeta. Na sección «A miña conta» -> «Tarxetas universitarias» da túa secretaría terás unha listaxe coas TUI emitidas e poderás comprobar os datos cos que se emitirá a nova tarxeta. Nesta mesma sección, deberás activar a casa na pestana «Cesión de datos» que permitirá o acceso á aplicación App UVigo que debes descargar conforme ao seguinte apartado.
• Descargar a aplicación App UVigo. Pódese descargar nos teléfonos dos sistemas Android ou IOS.
• Achegarte a un dos puntos de emisión do teu campus (Ourense, Pontevedra, Vigo: As Lagoas, Marcosende). Aí tomaranche unha fotografía e nuns minutos activaranche a túa TUI en formato electrónico. 

As respostas ás preguntas máis frecuentes verbo da aplicación están dispoñibles na seguinte FAQ e as dúbidas máis específicas poderán consultarse desde a propia app.

Onde e cando?

Durante as primeiras semanas do curso, estarán operativos varios puntos de emisión da TUI:

Despois destas datas, poderás solicitar a túa TUI nas seguintes oficinas de asistencia en materia de rexistro.