Un autobús urbano, visto de frente, no Campus de Vigo

Transporte en Vigo

En Vigo a universidade posúe dous campus. O chamado "campus histórico" está situado na propia cidade de Vigo, na rúa de Torrecedeira e agrupa unha das sedes da Escola de Enxeñaría Industrial e a Escola Universitaria de Estudos Empresariais. O resto das facultades/escolas están situadas no campus das Lagoa, Marcosende a 10-11 km da cidade.

Vitrasa é o servizo de buses que existe na cidade de Vigo. Ademais das súas liñas regulares existen dúas liñas especiais que van ao campus das Lagoas, Marcosende chamadas "lanzadeiras". Existe unha tarxeta especial de Vitrasa con tarifas reducidas para persoas universitarias que che pode interesar.

Para máis información, podes contactar coa Sección de Información ao Estudantado 
sie@uvigo.es
+34 986 813 630