#ConectaCoSIE

A Sección de Información a Estudantes ten habilitada unha aula en directo para atender as consultas do profesorado e do alumnado de educación secundaria sobre a ABAU, o acceso, a preinscrición, a matrícula etc.

Durante o curso 2020/2021, as sesións de #ConectaCoSIE realizaranse todos os martes, de 12.00 a 13.30 horas, ata o 13 de abril de 2021.

Para acceder, só tes que seguir estas indicacións:

1. Entra na aula de Campus Remoto.
    
2. Unha vez que accedas á aula, apareceranche dúas opcións: «Acceso profesorado» e «Acceso estudantado». Deberás entrar a través do «Acceso estudantado» coa clave 683qcgJZ.
    
3. A continuación, preme no botón azul «Entrar na sala» e sigue as indicacións requiridas pola plataforma.