Espazos expositivos en Vigo

This content is currently not available in English

Edificio Redeiras

Redeiras, o novo edificio institucional da Universidade de Vigo, situado na praza do Berbés de Vigo, conta entre outros, cun espazo expositivo multifuncional onde amosarlle á sociedade actividades artísticas de distinto xénero como parte do compromiso da nosa institución co fomento e coa difusión da cultura en todas as súas formas.

Bernarda Espida, as loitas dunha galega universal

«Bernarda Espida» é unha proposta plástica coa que o escultor Xavier Costa (Chantada 1945) dá vida a unha historia circular do sufrimento dunha muller, desde a súa concepción ata a súa tortura, morte e transubstanciaciación en pedra. Un relato dunha muller do pobo libre, feminista e revolucionaria que é golpeada cruelmente por aqueles que se opoñen ao progreso social e político da humanidade, provocando guerras, ditaduras, torturas e represión.

A exposición estará aberta ao público entre o 17 de noviembre e o 22 de decembro de 2021. As visitas realizaranse polas mañá e polas tardes en quendas dunha hora con grupos de máximo 30 persoas.

Para visitar a exposición cumprirá pedir cita previa a través do seguinte formulario:

Solicitar cita

Casa Galega da Cultura

A parcería que mantén a universidade co Concello de Vigo permite organizar exposicións na Casa Galega da Cultura, situada na Praza da Princesa da cidade olívica.

A Casa Galega da Cultura é un centro multidisciplinar onde se unen a programación de actividades artísticas e literarias coa existencia dan fondo bibliográfico e museográfico altamente cualificado no estudo da realidade histórica e actual de Galicia.

Na actualidade é a sede da Fundación Penzol e da Bibloteca-Museo Francisco Fernández del Riego. Conta ademais cunha sala de exposicións temporais e cun salón de actos cunha capacidade de 66 persoas, cunha sala de lectura e cunha sala para investigadoras e investigadores.