1. Inicio
  2. On campus
  3. Volunteering and cooperation
  4. Volunteering

Volunteering

Segundo as inquedanzas da comunidade universitaria, contamos nos tres Campus da Universidade de Vigo cun programa de voluntariado que permite aos seus membros (alumnado, PAS e PDI) destinar parte do seu tempo á acción solidaria. Esta acción, totalmente altruísta, pódese canalizar a través dunha variedade de ámbitos de actuación para dar resposta ás necesidades, problemas e intereses sociais que presentan determinados colectivos da nosa contorna máis próxima.

O programa de voluntariado da UVigo depende da Vicerreitoría de Responsabilidade Social, Internacionalización e Cooperación e está organizado polo Servizo de Xestión da Extensión Universitaria.

 

  • Promover a integración do alumnado propio na realidade social e universitaria como parte fundamental da súa formación integral e complemento necesario dos seus coñecementos académicos.
  • Fomentar a participación dos membros da comunidade universitaria en actividades voluntarias, que desexen encarreirar as súas inquedanzas sociais, cooperativas e solidarias.
  • Difundir entre a comunidade universitaria información sobre as actividades de carácter social desenvoltas por ONG, institucións e fundacións, en especial as que desenvolven a súa actividade nas localidades nas que se atopan os campus da Universidade de Vigo.
  • Propiciar e colaborar no desenvolvemento de estudos e traballos sobre temas relacionados co voluntariado e coa problemática social da contorna.

Para participar como voluntariado tan só é necesario:

  • Pertencer á comunidade universitaria (alumnado, PAS, PDI).
  • Querer colaborar nalgún proxecto de voluntariado.
  • Dispor de tempo libre para dedicarlle ao proxecto no que te comprometas.

 

Razóns para facerte voluntario ou voluntaria:

  • Medrarás como persoa.
  • Debuxarás sorrisos ateigados de agradecemento.
  • Serás protagonista e axente do cambio para mellorar o mundo.
  • Adquirirás experiencia persoal que che abrirá portas no futuro.

 

A túa recompensa:

  • O teu corazón medrará un 200%.
  • Serás diferente das demais persoas con identidades e personalidade propia.
  • Fortalecerás a túa autoestima.
  • Recibirás créditos por compartir horas do teu tempo. Podes validar 30 horas de voluntariado por 1 crédito ECTS.