III Xornada de igualdade para o estudantado internacional

A Vicerreitoría de Internacionalización e a Unidade de Igualdade organizan a terceira xornada de igualdade para o estudantado internacional «Avanzando en igualdade: construíndo unha UVigo libre de violencias machistas» con Bárbara Tardón Recio. Será o 20 de novembro de 2025, de 14.00 a 16.00 h, na sala 1 do edificio Miralles.

A Universidade de Vigo reafirma o seu compromiso por unha sociedade xusta e igualitaria, onde a igualdade entre mulleres e homes sexa unha realidade. Por iso, a terceira edición da xornada de igualdade para o estudantado internacional da UVigo busca fortalecer a conciencia colectiva e dotar as persoas asistentes de ferramentas prácticas para previr e actuar fronte á violencia machista no ámbito universitario.

1. A igualdade e a violencia contra as mulleres en España
2. A conquista dos dereitos no noso país
3. «Do non é non ao si é si»
4. Recursos de atención para as mulleres
5. Espazo aberto para preguntas

A xornada incluirá dinámicas participativas, estudos de caso e espazos de reflexión colectiva, co fin de crear unha experiencia enriquecedora para todas as persoas asistentes.

Ofrecerase un pequeno petisco de benvida e entregarase un certificado de asistencia.

Haberá un servizo de autobuses gratuíto desde os campus de Pontevedra e de Ourense.