Non-official Degrees Commission
A comisión de estudos propios, por delegación do Consello de Goberno, é o órgano de regulación, aprobación, organización e supervisión da calidade dos programas de formación permanente da Universidade de Vigo.
Regúlase no artigo 62 do Regulamento dos programas de formación permanente da Universidade de Vigo.
Está integrada por:
- A dirección da Escola Aberta de Formación Permanente, que actuará como presidencia.
- O secretario/a da Escola Aberta de Formación Permanente, que actuará como secretaría da comisión.
- O vicerreitor/a con competencias en ordenación académica ou a persoa en quen delegue.
- A xefatura do Servizo de Xestión de Estudos de Posgrao ou a persoa en quen delegue.
- O coordinador/a do Programa universitario de maiores.
- O membro do PAS responsable do Programa de formación do profesorado e da innovación educativa.
- Dous membros do PDI correspondentes a cada ámbito de coñecemento da Universidade de Vigo.
- Tres estudantes, un ou unha dos cales pertencerá ao Programa universitario de maiores.
- Un membro do PAS.
Funcións
- Revisar e aprobar as solicitudes dos títulos propios de especialización académica, agás o mestrado propio, e de calquera programa específico de formación permanente vinculado á Universidade de Vigo. No caso das propostas de mestrado propio, informará o Consello de Goberno, que será o responsable final da súa aprobación.
- Solicitar en calquera momento informes externos sobre a proposta dun título propio de especialización académica ou dun programa específico de formación permanente.
- Establecer os calendarios adecuados para a solicitude dos títulos propios de especialización académica.
- Propoñer, para cada curso académico, o prezo máximo de matrícula por ECTS nos títulos propios de especialización académica, que lle enviará ao Consello Social para a súa aprobación.
- Propoñer o custo máximo por hora de dedicación e por coordinación dos títulos propios de especialización académica, que lle enviará ao Consello de Goberno para a súa aprobación.
- Propoñer os prezos de expedición dos títulos ou dos diplomas propios, que lle enviará ao Consello Social para a súa aprobación.
- Aprobar as reedicións dos títulos propios de especialización académica.
- Aprobar as solicitudes de modificación nas propostas dos títulos propios de especialización académica.
- Verificar o cumprimento deste regulamento no desenvolvemento dos títulos propios.
- Elaborar e aprobar todos os procedementos necesarios para o adecuado desenvolvemento do presente regulamento.
- Supervisar a calidade dos títulos propios para o que elaborará, en coordinación coa Área de Calidade da Universidade de Vigo, un sistema de garantía de calidade adaptado á tipoloxía dos ensinos propios.
- Aprobar as memorias finais dos títulos propios de especialización académica e os informes finais dos programas específicos de formación.
- Aprobar as cancelacións dos títulos propios sempre que existan causas xustificadas.
- Xestionar as queixas, as suxestións ou as reclamacións relacionadas cos ensinos propios que sexan trasladadas pola EAFP.
Membros
- María José Moure Rodríguez
Presidenta - Fernando Cerdeira Pérez
Secretario - José Luis Gómez Reboiro
Membro nato, PAS do Servizo de Xestión de Estudos de Posgrao - Carmen María Abreu Fernández
Membro nato, coordinadora do Programa Universitario de Maiores - María Ángeles Villar Lemos
Membro nato, PAS da Área de Innovación Educatica - Maruxa Álvarez Jiménez
Vogal, PDI do ámbito de ciencias - Eva María Lantarón Caeiro
Vogal, PDI do ámbito de ciencias - Miguel Cuevas Alonso
Vogal, PDI do ámbito de humanidades
- José Francisco Montero Reguera
Vogal, PDI do ámbito de humanidades - Ernesto López-Valeiras Sampedro
Vogal, PDI do ámbito xurídico-social - Xosé María Mahou Lago
Vogal, PDI do ámbito xurídico-social - María Inmaculada Fenollera Bolíbar
Vogal, PDI do ámbito tecnolóxico - Francisco Javier Rodríguez Martínez
Vogal, PDI do ámbito tecnolóxico - María Isabel Vázquez Domínguez
Vogal, PAS do Servizo de Xestión de Estudos de Posgrao - Adolfo Bendoiro Mato
Vogal, estudante do Programa Universitario de Maiores - Iago Meis Solla
Vogal, estudante - Alexo Breogán Riobó Lois
Vogal, estudante