Search for an offer
This content is currently not available in English
Requisitos e compromisos de uso da plataforma por parte das persoas candidatas
Como usuario ou usuaria da axencia de colocación, para poder presentar a túa candidatura ás distintas ofertas de emprego terás que cumprir unha serie de compromisos:
- Rexistrarte en JobTeaser
- Subir o teu currículo. O Servizo de Orientación Laboral está á túa disposición para guiarte na elaboración do teu CV.
- Participar nalgunhas das actividades de formación para o emprego.
- Informar do resultado das túas entrevistas laborais e dos procesos de selección.
A través de JobTeaser poderás:
- Coñecer ofertas de emprego, nacionais e internacionais, moitas delas exclusivas para a nosa universidade, así como bolsas de formación práctica, relacionadas co teu perfil profesional e os teus criterios de busca.
- Descubrir as entidades colaboradoras da Universidade de Vigo e acceder a vídeos de presentacións de empresas e de profesións seleccionadas por sector de actividade.
- Acceder a consellos e recursos para a busca de emprego e á axenda de eventos da Área de Emprego e Emprendemento da Universidade de Vigo.
- Recibir unha newsletter semanal con información de novas e eventos que poden axudarte a mellorar a túa empregabilidade e facilitar o teu acceso ao mercado laboral.
Consulta de datos e dereito de oposición
Para o cumprimento das obligas establecidas para as axencias de colocación na Lei 3/2023, do 28 de febreiro, de emprego; no Real decreto 1796/2010, do 30 de decembro, polo que se regulan as axencias de colocación, así como calquera outra obriga que normativa ou regulamentariamente se determine e as instrucións e procedementos que establezan os servizos públicos de emprego no ámbito das súas competencias, a Universidade de Vigo consultará os seguintes datos: datos dun contrato, situación actual de prestacións por desemprego, situación laboral na data concreta, discapacidade e datos de identidade para estranxeiros.
Poderás exercer o teu dereito de oposición en exercicio de dereitos sobre protección de datos, quedando obrigado/a a achegar os datos e os documentos cando che sexan requiridos.
Inscríbete en JobTeaser!
Job offers
Máis información:
Servizo de Intermediación Laboral
Área de Emprego e Emprendemento
Edificio Miralles
As Lagoas, Marcosende
36310 Vigo
+34 986 812 136 | 986 130 110
insercionlaboral@uvigo.gal