DUVI

Diario da Universidade de Vigo

O centro acolleu este martes unha charla-coloquio sobre a institución galega

O Parlamento galego achégase ao alumnado de Ciencias Empresariais e Turismo

A iniciativa pretende fomentar os valores democráticos

Tags
  • Estudantes
  • Medios
  • PAS
  • PDI
  • Público externo
  • Ourense
  • Congresos e xornadas
  • Democracia
  • Institucional
DUVI Ourense 12/11/2019

Como xa é tradición nos últimos anos, o campus de Ourense acolleu este martes unha charla-coloquio titulada O Parlamento de Galicia que tivo como obxectivo dar a coñecer o traballo que se desenvolve nesta institución e ao mesmo tempo fomentar os valores democráticos. Para facelo, participaron na actividade, que nesta ocasión tivo lugar na Facultade de Ciencias Empresariais e Turismo, tres ex-parlamentarios de diferentes formacións políticas, como son Pablo López Vidal, do PSdeG-PSOE; Daniel Barata, do PP, e Tereixa Paz, do BNG. Ao longo da sesión, que estivo organizada polo Parlamento de Galicia e a Asociación de Exparlamentarios/as, explicouse as funcións desta cámara, a súa composición e órganos e cada un das e dos participantes falou da súa experiencia parlamentaria, pondo en valor a importancia desta institución representativa do pobo galego no marco democrático e o traballo que nela se realiza día a día de servizo á cidadanía.