DUVI

Diario da Universidade de Vigo

En total repartiranse 2000€

Aberto ata o 30 de setembro o prazos para presentarse aos Premios aos mellores expedientes académicos nos mestrados

Tags
  • Estudantes
  • Ourense
  • Pontevedra
  • Vigo
  • Estudantado
  • Premios
  • Estudantes
DUVI 23/09/2021

O obxectivo dos Premios aos expedientes académicos con mellores cualificacións para o alumnado dos mestrados universitarios no curso 2020/2021 é recoñecer e incentivar o alumnado con aproveitamento académico excelente en certos programas de posgrao, como son o Mestrado de Estudos Ingleses Avanzados e as súas Aplicacións; o mestrado en Dirección e Planificación do Turismo Interior e da Saúde e o mestrado interuniversitario en Lingüística Aplicada. O requisito para poder presentarse a esta convocatoria é ter estado matriculado nun destes tres mestrados durante o curso 2020/2021 e ter presentado o Traballo fin de mestrado nese mesmo período.

Premios de entre 250€ e 300€

Esta convocatoria de distincións académicas vai repartir un total de 2000€. Esta contía repartirase en dous premios para os expedientes con mellores cualificacións no mestrado en Estudos Ingleses Avanzados e as súas Aplicacións de 250€ cada unha. Outros catro galardóns serán para os mellores estudantes do mestrado en Dirección e Planificación do Turismo Interior e da Saúde, coa mesma contía e finalmente, dous premios no mestrado interuniversitario en Lingüística Aplicada, con 300 € para o 1º premio e 200 € para o 2º premio.

O prazo de presentación de solicitudes rematará o 30 de setembro.