Novas do DUVI

As terrazas fluviais da conca baixa do río Miño protagonizan a secuencia sedimentaria “máis completa de Galicia”

• Estudantes
• Medios
• PAS
• PDI

A revista Quaternary International publicou recentemente un estudo liderado polo investigador do Grupo de Estudos de Arqueoloxía, Antigüidade e Territorio (GEAAT) da Universidade de Vigo Eduardo Méndez no que se recolle a secuencia sedimentaria cuaternaria “máis completa de Galicia”, protagonizada polas terrazas fluviais da conca baixa do río Miño. A investigación, detalla o seu coordinador, “sinalan a existencia dun importante rexistro sedimentario, que abrangue, cando menos, o último millón de anos, no que é un rexistro único a escala galega”.

13/07/2020

A EE de Minas e Enerxía consegue un novo galardón no concurso internacional Ciencia en Acción

• Entidades Colaboradoras
• Estudantes
• Medios
• PAS

2016, 2018 e 2020. Unha edición máis, e xa van tres, o concurso internacional Ciencia en Acción volve premiar unha iniciativa de divulgación científica posta en marcha desde a Escola de Enxeñaría de Minas e da Enerxía da Universidade de Vigo. 

13/07/2020

O Programa de Maiores busca novos estudantes dispostos a unha aprendizaxe ao longo da vida

• Estudantes
• Público externo
• Ourense
• Pontevedra

Como para o resto da comunidade universitaria, os últimos meses deste curso foron para o alumnado sénior un verdadeiro reto, no que tiveron que afacerse á docencia en liña e ás novas tecnoloxías. Coa vista posta en normalizar, na medida do posible, a vida académico a partir do mes de setembro, a Universidade abre a convocatoria de inscrición para o Programa de Maiores, tanto no ciclo intensivo coma no integrado.

13/07/2020

A Olimpíada Galega de Historia entrega os seus premios aos estudantes gañadores

• Entidades Colaboradoras
• Estudantes
• Medios
• PAS

Conxuráronse para que a pandemia non os parase, e non os parou. As e os gañadores da III Olimpíada Galega de Historia fixeron este venres o que non puideron facer o pasado mes, cando se celebrou a proba: achegarse ao campus de Ourense. 

10/07/2020

Un artigo sobre a medición da desigualdade de oportunidades outórgalle a un investigador de Ecobas o premio Aldi Hagenaars Memorial

• Entidades Colaboradoras
• Estudantes
• Medios
• PAS

750 euros; unha invitación a participar como membro distinguido do centro de datos LIS e a presentación do galardoado no próximo LIS Summer Workshop. Estes son os galardóns que o estudante de doutoramento da UVigo Hugo del Valle-Inclán Cruces acadou ao se converter hai uns días no gañador do premio anual Aldi Hagenaars Memorial

10/07/2020

O profesor Rodríguez Andina, galardoado polas súas achegas ao desenvolvemento e difusión da Electrónica Industrial

• Entidades Colaboradoras
• Estudantes
• Medios
• PAS

O Institute of Electrical and Electronic Engineers (IEEE) é a maior asociación profesional tecnolóxica mundial, con máis de 400.000 membros en todo o planeta. O seu traballo estrutúrase en ‘sociedades’, cada unha delas centrada nun eido temático específico. Unha destas sociedades, a IEEE Industrial Electronics Society, acaba de recoñecer a excelencia académica e investigadora do profesor Juan José Rodríguez Andina, do Departamento de Tecnoloxía Electrónica da Universidade de Vigo co Anthony J. Hornfeck Award.

09/07/2020

Buscando en subprodutos de olivas, uvas e noces ingredientes saudables con aplicacións nutraceúticas e cosméticas

• Estudantes
• Medios
• PAS
• PDI

“A recuperación de biomoléculas valiosas de subprodutos de procesamento de alimentos, como olivas, uvas e noces, e a súa conversión en ingredientes naturais, saudables e sustentables de alto valor agregado para os sectores nutracéuticos e cosméticos”. Con este obxectivo arrancou este mes de xuño o proxecto europeo Up4Health, un consorcio de dez entidades de cinco países entre as que se encontra a Universidade de Vigo.

09/07/2020

Aberto ata mañá xoves o prazo de solicitude de axudas para a organización dos obradoiros do primeiro cuadrimestre

• Entidades Colaboradoras
• Estudantes
• Medios
• PAS

Fomentar o desenvolvemento sustentable, a vida saudable, a cultura, o deporte e o voluntariado son os fins prioritarios establecidos no artigo dous dos estatutos da Universidade de Vigo. Para conseguir isto, un dos instrumentos dos que dispón a Universidade é o seu programa de obradoiros, que lles permite aos membros da comunidade promover e organizar diferentes accións formativas.

 

08/07/2020

As medidas adoptadas fronte a crise sanitaria protagonizan o último Consello de Campus do curso

• Estudantes
• Medios
• PAS
• PDI

As medidas adoptadas nos últimos meses fronte a crise sanitaria e os detalles de organización para o vindeiro curso protagonizaron o informe que este mércores presentou o reitor Manuel Reigosa  na derradeira sesión do Consello de Campus de Ourense deste curso.

08/07/2020

A covid-19 orixinou un 'shock' sen precedentes na actividade económica de Galicia no mes de abril 

• Entidades Colaboradoras
• Medios
• Público externo
• Ourense

O Indicador Abanca-Foro de Conxuntura Económica amosou no mes de abril unha caída interanual do 34,5%, unha cifra que vai en liña co adiantado o 8 de abril polo Foro Económico de Galicia no seu documento sobre o impacto económico esperado do confinamento e no que se cuantificaba a caída de actividade no entorno do 40%. Cómpre lembrar que abril é o primeiro mes completo no que se amosan os efectos da pandemia da covid-19.

07/07/2020

Récord de participación na ‘selectividade’ máis atípica

• Entidades Colaboradoras
• Estudantes
• Medios
• PAS

A alerta sanitaria provocada pola covid-19 interrompeu de forma abrupta as clases o pasado mes de marzo. Agora, case catro meses despois, o rebulir universitario volveu aos campus da man do alumnado que este martes iniciou a realización das probas de Avaliación de Bacharelato para o Acceso á Universidade, ABAU.

07/07/2020

Investigadores vigueses desenvolven un inmunoensaio para a detección ultrasensible de SARS-CoV-2

• Entidades Colaboradoras
• Estudantes
• Medios
• PAS

A Universidade de Vigo segue a poñer todo o seu potencial científico na loita contra a pandemia do coronavirus. O grupo de Química Coloidal colabora co Sergas e o CSIC nun proxecto da convocatoria Fondo Supera Covid para desenvolver un test LFIA que permita a identificación ultrasensible e PoC (do inglés point of care, preto do paciente) de SARS-CoV-2. 

06/07/2020

A UVigo prorrógalles os contratos ás investigadoras posdoutorais que se acolleron a permisos de maternidade nos últimos anos 

• Entidades Colaboradoras
• Estudantes
• Medios
• PAS

A Universidade de Vigo dará continuidade, a través dun convenio coa Xunta, aos contratos de dúas investigadoras posdoutorais que se acolleron a permisos de maternidade nos últimos anos, incluíndoas nun convenio de I+D  asinado co executivo autonómico, no que a UVigo propuxo unha modificación que contemplase os contratos destas dúas persoas ata o máximo posible no marco deste convenio (31 outubro de 2020), no caso de que acaden avaliación positiva ao longo deste mes

06/07/2020

Vigo, única universidade española nun proxecto europeo que fará máis inclusivas as oportunidades de mobilidade internacional 

• Entidades Colaboradoras
• Estudantes
• Medios
• PAS

Persoas vítimas de violencia de xénero; inmigrantes ou emigrantes retornados; persoas sen fogar ou que habitan nunha infra-vivenda; membros dunha minoría étnica; persoas transexuais ou que están en proceso de reasignación sexual.

03/07/2020

A Universidade promove a celebración de graduacións virtuais

• Entidades Colaboradoras
• Estudantes
• Medios
• PAS

A crise sanitaria provocada pola covid-19 impide neste 2020 o desenvolvemento de actos de graduación nos campus, mais isto non significa que non vaia haber espazo para a celebración, xa que, como alternativa, a Universidade decidiu promover unha serie de actos de graduación virtuais en vídeo, que se emitirán a través de UVigo-TV.

03/07/2020