A Mostra Internacional de Teatro Universitario, Miteu, sube o pano este mércores 23 de abril, coa obra Medea, unha e todas a cargo da ESADg, unha revisión contemporánea e combativa do mito clásico, no que Medea deixa de ser só un personaxe para converterse nun símbolo colectivo. Con dirección de dramaturxia de Noelia Nuño e posta en escena a cargo de Lucía Costas, Lucía Fernández e Juan Diego Comesaña, a peza, a partir de textos de Eurípides, Séneca e Manuel Lourenzo, cuestiona con forza as estruturas de poder que historicamente someteron ás mulleres, ás estranxeiras e a todas as que non encaixan.

A representación comeza ás 18.30 e a entrada é de balde.