O salón de graos da Facultade de Ciencias Sociais e da Comunicación acolle a sexta e última sesión da décimo primeira edición da Máster Class Audiovisual Galego Augal, que promoven os profesores Miguel Anxo Fernández e Paulino Pérez co patrocinio da Axencia Galega das Industrias Culturais (Agadic). Baixo o título Valentina, animar en Galicia, a facultade acolle unha conferencia impartida pola directora de Abano Producións, Chelo Loureiro.

Rematada a conferencia, ás 18.00 horas terá lugar a entrega de diplomas e clausura de Augal 2021-2022, coa participación do delegado territorial da Xunta de Galicia en Pontevedra, Luis López; o representante da Asociación Galega de Profesionais da Dirección e Realización Crea Daniel Antelo e os directores desta máster class.