Dentro das actividades relacionadas coa Axenda 2030, a UVigo acolle o primeiro obradoiro das II Xornadas sODStendo o planeta, centrado nesta ocasión no ámbito do planeta e que, nesta ocasión, conta coa participación, entre outras, das profesoras do Departamento de Organización de Empresas e Marketing Pilar Piñeiro (Economía circular. Máis alá da reciclaxe) e Rocío Rodríguez Daponte  (Oceanets: cuidemos o mar); así como de representantes da Asociación Amigos da Terra (A Universidade polo residuo 0), de Cáritas Tui-Vigo (A industria do téxtil) e de Taller de Solidariedade (Roupa feita con amor como ferramenta para a transformación social).

O taller pode seguirse en directo a través da canle 3 de UVigoTv.