A Facultade de Comunicación acolle unha nova sesión do ciclo Creativas na rede: campañas, responsabilidade e efectos da publicidade, que busca achegar o alumnado ao traballo de directoras creativas formadas neste centro. Coordinado polo profesor Alberto Dafonte e promovido co apoio da Unidade de Igualdade da UVigo, este ciclo acolle nesta xornada un relatorio por videoconferencia de Elena Domínguez, directora creativa en We Are Social, onde, xunto a outros traballos, foi responsable das campañas en redes sociais de Netflix.