Un ano máis, o Centro de Investigación en Nanomateriais e Biomedicina da Universidade de Vigo, CINBIO, celebra o seu ciclo de divulgación científica Ciencia con C de CINBIO, unha actividade dirixida a dar a coñecer ao conxunto da sociedade as investigacións e a ciencia que se leva a cabo neste centro, dando así visibilidade ao seu traballo diario.

O público interesado poderá achegarse ata a carpa habilitada no marco desta iniciativa na Rúa do Príncipe entre as 16.00 e as 20.00 horas e coñecer de preto ao persoal do CINBIO, que estará informando sobre a actividade do centro, ademais de dinamizar a tarde con curiosidades científicas, xogos e algunha que outra sorpresa. Esta acción na rúa, cofinanciada pola Xunta de Galicia e pola Unión Europea a través do Fondo Europeo de Desenvolvemento Rexional.