Dirixidas a afondar no pensamento que hai detrás das creacións artísticas e de promover unha reflexión sobre diferentes problemáticas sociais, a Vicerreitoría do campus e a Concellaría de Promoción Económica e Universidades promoven as I Xornadas Creación e Pensamento. Violencias á escena, un ciclo no que as representacións se combinan cun coloquio con diferentes axentes creadores das propias propostas.

O ciclo ábrese nesta xornada coa peza Malcriada, de Esther F. Carrodeguas, que pon o foco na realidade das empregadas do fogar. A autora estará acompañada ao piano por Velpister, e tras a representación ten lugar un coloquio no que participan tamén integrantes da Asociación Xiara de Empregadas do Fogar.