Aberto tanto á comunidade universitaria como ao conxunto da cidadanía e con inscrición gratuíta, a Casa das Campás acolle este venres 4 de novembro unha Idea-Jam de Silver Economy, un evento que busca reunir estudantes, emprendedores e representantes de diferentes entidades co obxectivo de que traballen conxuntamente no deseño de novos produtos e servizos centrados nas necesidades das persoas maiores. Inserido nas actividades do proxecto europeo HEI4Future, que coordina a Universidade de Vigo, o propósito desta xornada é a de usar o deseño, o pensamento creativo e a tecnoloxía para construír novas ideas, produtos ou servizos relacionados coa economía prateada e a saúde e necesidades de mobilidade das persoas maiores.

Aberto a un máximo de 25 participantes, trátase dun evento dirixido tanto á comunidade universitaria como ao conxunto da cidadanía, que conta con inscrición gratuíta.