O edificio Miralles acolle a celebración do workshop Retos del emprendimiento en el ámbito marino-marítimo en la Eurorregión Galicia-Norte de Portugal ao abeiro do proxecto Sherpa do Mar, impulsado pola Universidade de Vigo. Entre as finalidades deste proxecto está a consolidación dunha rede transfronteiriza de axentes do ámbito mariño-marítimo que favoreza a coordinación e a identificación de sinerxías dos sistemas de apoio ao emprendemento existentes, facilitando a transferencia de coñecemento das universidades e centros tecnolóxicos.