O campus de Pontevedra acolle a Xornada de Benvida que a Universidade de Vigo organiza para o alumnado que se incorpora ás aulas no curso 2019-2020 e que se desenvolverá a partir das 10.00 horas no espazo situado entre as facultades de Ciencias da Educación e do Deporte e Fisioterapia.

O estudantado poderá informarse sobre os servizos que ofrece a Universidade, como teledocencia, aloxamento, transporte, tarxeta universitaria, biblioteca, bolsas e axudas, mobilidade, cursos de linguas, certames e concursos, emprego e emprendemento, oferta cultural, deportes, voluntariado... Ao longo de toda a xornada haberá música, actividades científicas e culturais, actividades deportivas, xeados, bebidas e agasallos.