A Facultade de Filoloxía e Tradución acolle a xornada de sensibilización en xénero Feminismos interseccionais: raza, sexo e xénero na literatura e cultura popular contemporánea. Esta actividade é parte do Ciclo BiFeGa 2023 e está co-financiada por BiFeGa, a Unidade de Igualdade (na súa convocatoria de actividades de sensibilización) e a I Cátedra Internacional José Saramago.

Esta xornada conta cunha conferencia plenaria a cargo de Rocío Cobo Piñeiro (Universidade de Sevilla) e unha mesa redonda e debate con Iago Rodríguez Diéguez e Alba Zels Garrido (Universidade de Vigo) e Mariana Jorge Lozano (Baphala Ediciones).