As Xornadas Interxeracionais celebran a súa XXII edición. A cita está organizada como cada ano por alumnado do Grao de Educación Social da Facultade de Educación e Traballo Social do campus de Ourense e Ategal (Formación Permanente e Ocio para Persoas Adultas), contando co apoio da citada facultade. Arrancará ás 10.00 h na Praza Maior de Ourense coa lectura dun manifesto e continuará ás 11.00 h no pavillón de deportes no campus con actividades lúdicas. A través de xogos de onte e de hoxe, a iniciativa quere fomentar a relación entre persoas de diferentes xeracións e a participación social.