Día Internacional contra a LGTBIfobia no Deporte 2025

O 19 de febreiro de 1990 o futbolista Justin Fashanu fixo pública a súa orientación homosexual. Esta declaración veu seguida de presións e de acosos que tristemente provocaron o seu suicidio oito anos máis tarde, en maio de 1998.

A Universidade de Vigo quere sumarse á celebración do Día Internacional contra a LGTBIfobia no Deporte, a través da Unidade de Diversidade e da Vicerreitoría de Extensión Universitaria.

A Vicerreitoría de Extensión Universitaria e a Área de Benestar, Saúde e Deporte da nosa universidade levan anos desenvolvendo distintas estratexias para fomentar a actividade física a través do movemento mUVers, sempre dende un enfoque inclusivo, sendo
conscientes de que debemos respectar e fomentar espazos diversos no deporte.

Desta maneira, neste día, convidamos a comunidade a coñecer o Decálogo pola igualdade LGBTIQ no deporte, aprobado en 2024, polo Observatorio galego contra a discriminación por orientación sexual e identidade de xénero, órgano no que participa a
Universidade de Vigo a través da Unidade de Diversidade.

Este decálogo está dirixido a promover espazos inclusivos e respectuosos co colectivo LGTBIQA+ no eido do deporte, que podes consultar nesta ligazón.