XXV Foro Tecnolóxico de Emprego

Os días 11 e 12 de marzo terá lugar a vixésimo quinta edición do Foro Tecnolóxico de Emprego, unha iniciativa feita polo estudantado e para o estudantado, centrada en proporcionar oportunidades laborais e de crecemento profesional para estudantes. Un ano máis, o Foro Tecnolóxico de Emprego ofrecerá un espazo onde a conexión entre o estudantado e as empresas se converterá nunha realidade.

O Foro Tecnolóxico de Emprego é unha asociación sen ánimo de lucro conformada por estudantes das escolas de Enxeñaría de Telecomunicación, Enxeñaría Industrial e Enxeñaría de Minas e Enerxía da Universidade de Vigo. Nace en 2001 a partir da unión das delegacións de alumnado das tres escolas e xorde da necesidade de achegar as empresas líderes no sector tecnolóxico ao estudantado universitario.

Web do Foro Tecnolóxico de Emprego

Novas relacionadas:

• O Foro Tecnolóxico de Emprego celebrará o seu 25 aniversario cunha “edición récord” (Duvi, 20/2/2025)
• O Foro Tecnolóxico de Emprego celebrará 25 anos de historia cunha edición chea de novidades (Duvi, 5/12/2024)