Acompañamento psicolóxico para o estudantado

En virtude do convenio entre o Servizo Galego de Saúde e as tres universidades galegas, a Universidade de Vigo convoca un proxecto piloto de acompañamento psicolóxico para o estudantado con dificultades derivadas da súa actividade académica.

O programa inclúe a asistencia a tres sesións de atención psicolóxica totalmente gratuitas para 44 estudantes dos tres campus da Universidade de Vigo  (14 en Ourense, 14 en Pontevedra e 16 en Vigo).

A convocatoria diríxese ao estudantado de grao de segundo e de terceiro ano que cumpran os requisitos da convocatoria.

O prazo de presentación permanecerá aberto ata o 10 de novembro, ás 23.59 horas, e as solicitudes tramitaranse por rigorosa orde de inscrición.

Novas relacionadas:

• 44 estudantes da UVigo recibirán acompañamento psicolóxico para enfrontar dificultades relacionadas coa súa experiencia académica (Duvi, 4/11/2025)