A Escola de Enxeñería Industrial celebra o seu patrón cun acto no paraninfo da sede cidade. Como é tradicional, o acto arrancará ás 12.00 horas cunha conferencia impartida neste caso por Antonio Gallego Viéitez, director de sede da empresa Technica Engineering Spain e que leva por título Construyendo el futuro: de la EEI a la ingeniería de sistemas en la automoción.

Tras a conferencia procederase á entrega de distintos premios (profesorado mellor valorado, mozos/as investigadores/as da EEI como persoal de investigación en formación, persoal de administración e servizos e profesorado que cumpre 30 anos de antigüidade). 

O acto pecharase ás 13.15 horas coa intervención do director da escola, José Fariña, e a tradicional foto de familia.