O Observatorio de Estudos sobre Corrupción Pública, con sede na Facultade de Dereito do campus de Ourense, organiza xunto á Fundación Cum Laude unha conferencia e mesa redonda arredor dos partidos políticos no Centro Cultural Marcos Valcárcel. A sesión comezará cunha intervención de Roberto Blanco Valdés, catedrático de Dereito Constitucional da Universidade de Santiago de Compostela, titulada As disfuncións dos partidos no estado democrático, e seguirá cun debate no que participarán, ademais do relator, Fernando Vázquez, Ana Gude, Vicente Sanjurjo e Begoña López. Acto aberto ás persoas interesadas.