O salón de graos da Facultade de Filoloxía e Tradución acolle a conferencia Viño, lingua e tradución, impartida por Miguel Ibáñez Rodríguez, investigador principal do grupo GIRTraduvino, creado en 1998 co obxecto de mellorar o coñecemento e a normalización das linguas de especialidade e a súa tradución do ámbito vitivinícola e turístico. 

Os obxectivos desta conferencia, que se enmarca no Ciclo de Actividades Bifega, son mellorar os coñecementos sobre a tradución e as terminoloxías; vinculadas á elaboración e á comercialización do viño; analizar os problemas terminolóxicos culturais na tradución de documentación sobre enoturismo e propoñer estratexias de harmonización das terminoloxías implicadas no enoturismo.