Entre o 31 de maio e o 2 de xuño, Vigo será a sede da trixésimo sétima edición do Congreso Científico de Aedem (Academia Europea de Dirección e Economía da Empresa), un foro de intercambio de experiencias docentes e investigadoras no eido da dirección e a xestión de empresas.

O congreso está organizado conxuntamente por Aedem e pola Universidade de Vigo e centrarase na resiliencia e na sostibilidade como claves dunha nova realidade empresarial. 

O programa da primeira xornada comeza ás 16.00 horas con sesións paralelas para deixar paso ás 18.00 horas ao acto inaugural e á conferencia de apertura, Una Teoría de Competencias Emergentes, impartida polo profesor José Cabanelas Omil.