A normativa, as solucións, os retos e ameazas no campo da seguridade do universo dixital no teletraballo centrarán a segunda edición de CyberSec@GAL, o evento referente da ciberseguridade en Galicia, que se celebrará entre os días 2 ao 5 de novembro. O encontro, organizado pola Cátedra R en ciberseguridade, é froito da colaboración entre as universidades de Vigo e A Coruña, a empresa R e o Colexio Profesional de Enxeñaría en Informática de Galicia (CPEIG), e conta coa colaboración de atlanTTic, Citic, Isms Forum, Coit, Amtega e Gradiant. 

Nas dúas primeiras xornadas celebraranse talleres en liña destinados a estudantes do SUG (Sistema Universitario Gallego) e Formación Profesional co obxecto de captar talento en ciberseguridade. A terceira xornada orientarase a un perfil máis específico, cunha charla e o lanzamento dun ciber-Reto en liña para nup e prol cun premio. A cuarta xornada, desenvolta de forma semipresencial, vai dirixida ao ecosistema empresarial galego e, baixo o título Riscos no teletraballo contará con expertos internacionais e cunha mesa redonda específica nesta temática. Ao peche do evento presentaranse os premios de CyberSec@GAL aos mellores traballos académicos de grao, mestrado e doutoramento na área da ciberseguridade e no ámbito do SUG.