No marco do ciclo de cinema documental Docs del Mes, o Auditorio Municipal acolle a proxección do filme Push. Dirixido polo documentalista e xornalista sueco Fredrik Gertten, o filme pon o foco na suba dos prezos da vivenda e da especulación inmobiliaria, propoñendo, a través da relatora especial en vivenda da ONU, Leilani Farha, unha viaxe por diferentes países tratando que comprender quen está a ser expulsado das cidades e por que. 
Esta actividade está organizada pola Vicerreitoría de Captación de Alumnado, Estudantes e Extensión Universitaria en colaboración co Cine Club Lumiere.