A Facultade de Ciencias Sociais e da Comunicación presenta na súa planta baixa a exposición Desde dentro. Miradas do confinamento, que reúne traballos realizados polo alumnado durante o confinamento. Coordinada polos profesores Jorge Lens e Paulino Pérez, a exposición reúne preto de 80 fotografías e oito series de imaxes realizadas por estudantes de Publicidade e RRPP, xunto coa proxección dunha vintena de curtas de alumnado de Comunicación Audiovisual.