O edificio Politécnico do campus de Ourense acolle a celebración da feira divulgativa eXXperimenta en Feminino. VIII Xornada de Divulgación en Ciencia, Tecnoloxía, Enxeñaría e Matemáticas. Nela, as persoas participantes poderán achegarse a 13 postos diferentes para facer multitude de experimentos e coñecer as titulacións STEM que se imparten en Ourense. Ao longo da mañá participarán máis de 300 escolares da provincia e pola tarde estará aberta á cidadanía. A iniciativa está organizada por un amplo colectivo das facultades e escolas do eido STEM do campus de Ourense co apoio das unidades de Cultura Científica e Igualdade da UVigo e a Consellería de Educación, Ciencia, Universidades e Formación Profesional. Forma parte da programación da UVigo co gallo do 11F, Día Internacional da Muller e a Nena na Ciencia.