O Instituto de Estudos Vigueses, en colaboración coa Universidade e o Concello de Vigo, organiza o Fórum IEV 2019, un ciclo de conferencias que arrancou en xaneiro e se prolongará ata o vindeiro mes de decembro.

Este mes a conferencia corre a cargo de Fernando Martín, profesor da Escola de Enxeñaría de Telecomunicación e investigador de atlanTTic, que ofrecerá o relatorio Aplicación das novas tecnoloxías ao medio ambiente mariño, unha intervención na que fará un repaso ás tecnoloxías de drones, electrónica de control, cámaras e procesado de imaxe (teledetección, visión artificial) aplicados a proxectos relacionados co medio ambiente mariño, con especial atención a Litterdrone e Ramica.