Dirixidas a afondar no pensamento que hai detrás das creacións artísticas e de promover unha reflexión sobre diferentes problemáticas sociais, a Vicerreitoría do campus e a Concellaría de Promoción Económica e Universidades promoven as I Xornadas Creación e Pensamento. Violencias á escena, un ciclo no que as representacións se combinan cun coloquio con diferentes axentes creadores das propias propostas.

O ciclo acolle nesta xornada a "performance-conferencia” Sofía, da actriz Marta Pérez, que estará acompañada polas creacións audiovisuais e sonoras de Laura Iturralde e Jesús Andrés Tejada.