O Sexto Edificio do Museo de Pontevedra acolle a exposición Carlos Maside en Combarro, 1952. Bosquexos, debuxos e acuarelas, comisariada polo catedrático de Historia e Institucións Económicas da Universidade de Vigo Rafael Vallejo e Esther Rodríguez Losada. A mostra, que poderá verse ata o 16 de xuño, reúne os máis de 300 bosquexos e acuarelas feitos por Carlos Maside na vila mariñeira de Combarro, así como a media ducia de cadros ao óleo que realizou ou comezou durante a súa estadía na vila en 1952.