Diferentes aspectos relacionados coa creación e promoción de espazos web e contidos multimedia agrúpanse no ciclo de conferencias e obradoiros, aberto ao público, Publi&Webinars, que se desenvolve de xeito virtual a través de Campus Remoto.

Organizado polo profesor Xabier Martínez Rolán coa colaboración da Facultade de Ciencias Sociais e da Comunicación, o Consello Social da Universidade e as empresas E-goi e Dinahosting, o ciclo acolle nesta xornada a conferencia O teu negocio na web: a atención ao cliente, a cargo de María Xosé Saborido, responsable de formación en Dinahosting.