A programación de rutas culturais do curso 2018/2019, organizada pola Área de Benestar, Saúde e Deporte da Universidade de Vigo, inicia 2019 coa celebración da súa quinta andaina, que leva por título Fortalezas e observación de aves e que terá como escenario O Baixo Miño, en Pontevedra. A andaina inclúe paradas interpretativas para coñecer as singulares construcións fronteirizas da zona, como Forte de Lovelhe e Fortaleza de Goián, así como unha actividade de observación de aves na contorna do esteiro do Miño, un dos humidais máis importantes da península coa confluencia de dous ecosistemas, o fluvial e o marítimo.