Seminario web Endometriose: a epidemia oculta, organizado polo Cinbio e a asociación querENDO, mulleres con endometriose, coa participación de Manuel Portela, do laboratorio de Endocrinoloxía, labEndo, e Cristina Fernández, presidenta de querENDO, que afondarán en diferentes aspectos dunha enfermidade que afecta a unha de cada dez mulleres en idade fértil e que tarda de media oito anos en ser diagnosticada, de aí a importancia de dala a coñecer. Na súa intervención Manuel Portela achegará, dende un punto de vista nutricional, distintas claves para mellorar a calidade de vida destas pacientes a través da alimentación e o deporte.