Asisten: Abel Caballero, alcalde de Vigo; Carmela Silva, presidenta da Deputación de Pontevedra; José Antonio Campo, director do Instituto Galego de Estatística e Javier Roca, presidente do Comité Organizador

O Departamento de Estatística e Investigación Operativa da Universidade de Vigo organiza, en colaboración coa Sociedade Galega para a Promoción da Estatística e a Investigación de Operacións (Sgapeio), o XIV Congreso Galego de Estatística e Investigación de Operacións.

O congreso, que se celebra do 24 ao 26 de outubro, constará de conferencias plenarias, sesións de comunicacións orais e póster, mesas redondas, obradoiros formativos e unha exposición a cargo do MMACA - Museu de Matemàtiques de Catalunya.