A Xornada de Portas Abertas Virtual ten como finalidade resolver as dúbidas concretas sobre os graos impartidos na Universidade de Vigo. Para iso, profesorado das diferentes titulacións de todos os campus responderán as cuestións propostas polo estudantado para definir o seu futuro académico. Realizarase a través de Campus Remoto con franxas horarias por eido de coñecemento: os centros de Artes e Humanidades de 11.00 h a 12.00 h; os do eido Xurídico Social de 12.00 a 13.00 h; os do ámbito de Ciencias e Ciencias da Saúde, de 16.00 h a 17.00 h e pecharase cos centros de Enxeñaría e Arquitectura de 17.00 h a 18.00 h.