A Escola de Enxeñaría Forestal acolle os días 21 e 28 de setembro as xornadas Innovación na cadea forestal-madeira de Galicia, dirixidas a pór en valor a importancia da innovación para este sector. Na súa segunda sesión, interveñen o xerente do Clúster da Madeira e do Deseño de Galicia, Ricardo González, que imparte ás 11.30 horas a conferencia O Clúster da Madeira e o Deseño de Galicia: unha aposta pola innovación; e o técnico de I+D+i da Axencia Galega da Industria Forestal Gonzalo Piñeiro, co relatorio A innovación na industria da madeira: situación actual e tendencias, ás 13.00 horas. 

Organizadas por Figueroa, coordinador do grupo de investigación G4Plus, a profesora Adela García-Pintos, do grupo Rede, e a Asociación para o Emprendemento e a Innovación Pont-Up Store, coa colaboración da EE Forestal, a Vicerreitoría do campus e a Concellería de Promoción Económica e Universidades, trátase dunhas xornadas abertas ao público, que poden seguirse tanto de xeito presencial como virtual.