Alumnado do Grao en Educación Social, da Facultade de Educación e Traballo Social do campus de Ourense, organiza, co apoio do centro e de Ategal, as XXI Xornadas Interxeracionais. Nelas, estudantado de diferentes idades e capacidades e persoas maiores compartirán un día de actividades lúdicas e convivencia que terá como obxectivo rachar as barreiras xeracionais. A actividade arrancará ás 09.30 h na Praza Maior de Ourense e continuará ás 10.00 h no pavillón de deportes do campus de Ourense.