XXIX Semana de Cine Submarino
Fecha de celebración:
20 de noviembre de 2019 a las 20:00Dirigido a
Entidades Colaboradoras , Estudantes , Medios , PAS , PDI y Público externoOrganiza
Vicerreitoría de Captación de Alumnado y Estudantes e Extensión UniversitariaLugar
Policarpo Sanz, 13
36202 Vigo
España
Tipo de evento
CineEntrada:
De balde No es necesaria reserva.Modalidade
PresencialNo Teatro Afundación
A primeira xornada da XXIX edición da Semana de Cine Submarino comprende a proxección de tres documentais. O primeiro deles é O Retorno, dirixido por Jorge J. Candán, a quen se lle dedica esta edición do ciclo. Trátase dun documental que centra a súa narración na necesidade de conservación do planeta dende un punto de vista futurista. De seguido, proxectarase Guerreiros dos océanos, produción asinada por National Geographic, que conta o traballo de Nat Geo Wild para salvar especies en perigo crítico de extinción. Un traballo obra da recoñecida bióloga mariña Silvya Earle, unha das voces máis cualificadas que, xunto ao seu compañeiro Enric Sala, alertan da terríbel situación dos fondos mariños sen perder o optimismo e amosando solucións realistas e alcanzables. A última cinta do día, Salvemos o noso Mediterráneo, o primeiro documental de National Geographic producido e realizado en España. Advirte de que hai máis de 134 especies contaminadas pola inxesta de micro plásticos. O obxectivo do biólogo é concienciar e informar de que aínda se está a tempo para reverter esta situación.
Este primeiro día a Semana de Cine Submarino contará como invitado co investigador Anxo Mena, e tamén con Jorge J. Candán, ao que o ciclo fará un acto de recoñecemento.