A XXX Mostra Internacional de Teatro Universitario de Ourense (Miteu) continúa este xoves con diversos espectáculos. Ás 19.00 h, a Praza de San Martiño e rúas próximas acollen Visións panorámicas, no que participarán diferentes grupos dos campus de Ourense, concretamente o seu coro, a súa aula de danza, o seu grupo de música tradicional galega e a aula de teatro Rosaura. Seguiralle, ás 20.00 h, no Teatro Principal, a obra Voilà, da Aula de Teatro da USC-Lugo, e ás 23.00 h, no Liceo, o concerto Pava, de Lucía Aldao.

Este ano a Miteu desenvolverase do 23 de abril ao 10 de maio e nela a Universidade de Vigo volve ter un papel destacado, non só como unha das entidades que financia senón tamén coa participación das súas aulas teatrais e de danza.